This is the Biggest Financial Lesson of your Life.
How do stay financially stable in this day and age?
Insaan zindagi main bohat si galtiyan karta hai. Or koi baat nai, insaan hai, ho jata kabhi kabhar.
Lekin aik esi galti hai jo us ko sakoon se marne bhi nahi deti, or na hi us ke baad us ki aulad ko.
Or wo hai…
“Sari zindagi aik hi paycheck ka intezar karna mahine ke end pe or khuwahisho ko daba ke rakhna”
Nahi, main tumhain kuch bhi nahi bechne wala, so don’t worry.
This is the Biggest Financial Lesson of your Life.
(Part 1.)
Dekho bhai, haalaat tumhare samne hain sari duniya ke or Pakistan ke bhi.
or agr abhi bhi tum sirf aik hi income stream, tumhari 9-5 ya tumhari koi bhi other job par depend kar rahe ho…
Then you will stay behind for the rest of your life.
You are young right now, and have the energy to try different things and build multiple small income streams…
You can do this by doing anything:
Jese ke:
✅Digital products sell.
✅Stocks, crypto, or forex investing.
✅Buy property and then rent it out.
Or aj ke newsletter me main tumhain aik esi income stream ke bataun ga jo bare billionaires or millionaires use karte hain apne business empires khare karne ke liye.
How does Real Estate investing work?
Agar toh tumhara sawal hai ke:
Log full time real estate investors ban ke kaise itne paise kama lete hain ke aram se guzara ho jaye...
Ya phir yeh confusion hai ke asli paisa sirf property appreciate hone se banta hai aur cash flow bohat kam hota hai...
Toh ajao aaj main tumhain ye dono cheezain clear karu ga:
Sabse pehli baat:
Tumhara initial financial start matter karta hai.
$1 invest karna or $10,000 invest karna — dono ka asar alag hota hai.
Chhoti investment ko grow hone mein zyada waqt lagta hai.
Isiliye sab kuch tumhare goals aur patience pe depend karta hai.
Dusri baat:
Real estate mein paisa kamane ke basically do tareeqe hain:
✅Buy and Hold — yani property khareedo aur rent par chadha do, appreciation ka intezaar karo.
✅ Flipping — yani property khareedo, theek thak repair karo aur jaldi se zyada price pe bech do.
Zyada log flipping se start karte hain kyunke unke paas full investment karne ka paisa nahi hota.
Choti choti families ya individuals, sirf itna paisa ikatha kar sakte hain ke aik property khareed ke renovate karke bech saken.
Apna ghar aur investment property dono afford karna mushkil hota hai.
Teesri baat:
Entry cost real estate mein bohat high hai.
Example:
Agar $250,000 ka ghar lena hai, toh investor ko 20% downpayment deni parti hai —
matlab $50,000 cash.
Owner-occupied karne walay sirf 5% down kar ke le sakte hain, magar investor nahi.
Aur profit?
Bas shuru main lagbhag $300/month ka cash flow banta hai.
Saalaana $3,600.
Ab socho:
Ek achi salary replace karne ke liye tumhain 10-15 aisi properties chahiyein.
Aur har property ke liye $50,000 ka downpayment.
Yani tumhain $500,000 cash chahiye hota hai sirf properties khareedne ke liye.
Ab baat samajh aayi?🙂
Isliye log tumse kehte hain “mere saath invest karo”.
Unko tumhara cash chahiye hota hai.
Isliye aksar log real estate investing start nahi karte — bohat risky aur cash heavy game hai.
Aur har sheher, har market ka apna law hai — sab kuch tumhare control main nahi hota.
Real Estate se paisa banta hai, lekin:
Tumhara starting capital matter karta hai.
Tum kis market main ho, wo matter karta hai.
Inflation aur demand-supply ke faide waqt ke sath milte hain.
Haqeeqat yeh hai:
Real estate game main actual cash flow tab aata hai jab tumhare paas $2-3 million ki properties hoti hain.
Tab ja ke woh properties tumhain 2-4% annual return deti hain — yani $60,000/year tak ka passive income.
Iska matlab hai:
Ya toh tumhare paas already paisa hona chahiye...
Ya tumhe 10-15 saal lagatar mehnat kar ke assets build karne honge.
Real Estate ya toh ameer aadmiyon ka slow game hai...
ya phir working class ka continuous game hai.
Beech ka koi rasta nahi.
Isiliye jab radio shows, internet gurus ya courses wale tumhain “overnight success” ka jhoot bechte hain —
toh hamesha yaad rakhna: Unko tumhari zarurat hai, tumhe unki nahi.
Signing Off,
Inspired Analyst.
Amazing lesson.
Crypto is sure a fast game, but coin selection is what causes most of the problems.
How to make it easy? How to find good projects/coins which will move up?